yzaki

حکوومەتی کۆماری بە ناو ئیسلامی لە درووشمی حکوومەتی ئایینیەوە بۆ دەسەڵاتێکی تێئۆکڕات و تووتالیتێر.   هەڵوێستی هەندێک لە مامۆستا و خوێندکاران و کەسایەتیە ئایینیەکان لە ڕۆژهەڵاتی کوردستان، سەبارەت بە سزای بەندکران و داماڵینی بەرگی مامۆستایەتی لە مامۆستا لوقمانی ئەمینی.   السلام علیکم و رحمت الله و برکاته   مامۆستا لوقمانی ئەمینی وەک مامۆستایەکی خۆشناوی ئایینی و کەسایەتیەکی کاریزمای کۆمەڵایەتی و خواناسێکی بە ئەزموونی سەردەمیانە، چەند کات و زەمانە، بە هۆی هەڵوێستە بوێرانە و بە جێکانی لە کاتی ڕووداوە هەستیارەکان و هەوڵە چڕەکانی بۆ لەیەک نزیک کردنەوەی موسوڵمانانی کوردستان، جێی خۆی لە دڵی خەڵکانی کوردستاندا کردۆتەوە و جێی ڕێزی جەماوەری نیشتمانە.   بۆیە، بە تاوانی ناڕەوا و ناڕوونی (بێڕێزی بە پیرۆزیەکانی ئیسلام) لە لایەن دادسەرای تایبەت بە ڕۆحانیەکانی تارانەوە، سزای سێ ساڵ و یەک مانگ بەندکران و داماڵینی تاهەتایی بەرگی مامۆستایی بەسەردا سەپاوە.   جێی خۆیەتی بڵێین: مامۆستا لوقمان و بێڕێزی؟! مامۆستا لوقمان کە بۆ تەنیا جارێک بێڕێزی بە ئەو نەویستانەی خۆ...

بە ناوی خودایەک کە موحەممەدی نارد بۆ مرۆڤایەتی بۆ ئەوەی ببێتە رەحمەت بۆ هەموان _دروودی خودای لەسەر بێت_.   وا دیسان ڕەبیعولئەووەل هاتەوە و ساڵیادی لە دایک بوونی پێغەمبەری ئازیزە_دروودی خودای لەسەر بێت. بەر لە گشت شتێک لە لایەن سەر جەم ئەندامان و دۆستانی ڕێکخراوەی یەکیەتی زانایانی ئایینی کوردستانی ئێرانەوە (یزاکا)، پیرۆزبایی جێژنی مەلوود لە سەرجەم خەڵکی موسوڵمانی جیهان بە گشتی و کوردستانی پیرۆز بە تایبەتی دەکەین.  جێژنی مەولوود، هێمای وەفای گەلی کوردە بۆ پێغەمبەر دروودی خودای لەسەر بێت و ئەوپەڕی خۆشەویستی ئەو گەلە وەفادار و دڵ پڕ لە ئیمانەیە بۆ ئەو ڕێبەرە مەزنە. هەر لەو دەمەوە یەکەم دڵۆپی فرمێسکی خۆشەویستی ئەو سەروەرە د. خ  بەسەر گۆنای سوڵتان موزەففەردا جۆگەلەی بەست و بڕیاری دا مەولوود وەک یادەوەریەک بۆ حەزرەتی محەممەد د . خ  پێک بهێنێت، تاوێستا شاعیر و نووسەر و بیرمەند و سەرلەبەری کۆمەڵانی کوردستانی ئازیز بوون بە عەشق و پێشکەشی ئەو نوورە نەمرە کران. ئەم جێژنە کوردانەترین بۆنەی ئایینیە لە ئیسلامدا کە پەڕاوپەڕ لەگەڵ ئەم فەرماییشتەی پێغەمبەردا  دێتەوە کە فە...

بەداخەوە جارێکی دیکە دەستی ڕەش و جینایەکارانەی دوژمنی ئایین و گەلمان واتە ڕژیمی دژە کوردی بە ناو کۆماری ئیسلامی ئێران، سزایەکی دیکەی بێ بنەما و نادادپەروەرانەی بەسەر مامۆستا لۆقمان ئەمینی خووتبەخوێنی مزگەوتی چوواریاری نەبی لە سنە دا سەپاند. مامۆستا لۆقمان ئەمینی لە شۆڕشی ژینادا لە لایەن کۆماری تیڕۆریستی ئێرانەوە دەستبەسەر و بە تۆمەتی پشتیوانی لەم شۆڕشە بە ١١ ساڵ زیندانی سزادرا، ئەمجارە لە سەرەتای ساڵی ٢٠٢٥ زایینی بانگهێشتی دادگای بە ناو ڕوحانییەتی هەمەدان دەکرێ تۆمەتی ئەوەی دەدرێتە پاڵ گۆیا مامۆستا بێ ڕێزی بە ئایینی ئیسلام و پەیرەوانی شیعە کردووە.  ئەگەر چی مامۆستا تەنیا وتبووی بۆتان نییە لە ناو کورد و سووننە مەزهەبەکاندا بانگەشی کوژرانی کچی پێغەمەری ئیسلام واتە فاتیمە بکەن و بێ ڕێزی بە مەزهەبەکەمان بکەن ئەوەش نەک بێ ڕێزی بە شیعە نییە بەڵکو ڕێگری لە بێ ڕێزی کردنە بە سووننە مەزهەبەکان. بەڵام وەکو دەزانین کۆماری ئیسلامی ئێران سووننە وەک دوژمنی سەرەکی خۆی دەبینێ و لە سزادان و کوشتن و زیندانی کردنی لاوانی سووننە مەزهەب و غەیرە فارس دەستی واڵایە..  بەداخەوە جارێکیتر مامۆستا لۆقمان ...

مزگەوت شوێنێکی پیرۆزە و ناکرێ ببێتە دەستەچیلەی سیاسەتی ئیسلامیزمی سیاسی. گۆیا کۆمەڵێک مامۆستای ئایینی شێوازی درووست کردنی مزگەوتەکانی کوردستان و بگرە وڵاتانی ئیسلامان خستۆتە ژێر ڕەخنە و بە بڕوای خۆیان هەرجۆرە ژووری زیادە وەک حەمام و حوجرە و چەقەخانە و دەستشووییەکانی پەیوەند بە مزگەوتیشیان بە نادرووست ناوزەد کردووە! ئەو جۆرە لێدوانانە تەنیا سەر لێشێواندن و فریودان و بەلاڕێدابردنی لۆژیک و عەقڵییەتی کۆمەڵگای مسوڵمانانە و هیچ قازانجێک بە خوێندنەوەی ئیسلامی ناگەیەنێت. هەر بۆیە بە پێویستم زانی جارێکیتر وێڕای پیرۆز نرخاندنی پێگەی مزگەوت و ڕێز و بەهای ئەو شوێنە پیرۆزە، شێوازی درووست کردنی مزگەوتێکی قەبوڵکراو بە بیر باوەڕداران بێنمەوەو، وەڵامی ئەو پرسیارانە بدەمەوە کە ناشارەزایان لە ئایینی ئیسلام زۆر بە خراپی لەو ماوەیەدا( ئەڵبەت بە مەبەستی دووبەرەکی نانەوە) لە ناو ڕێزی مسوڵمانان وەڵامیان داوەتەوە. ئایا درووستە دەستشوویی و حەمام و ژووری مجێور و ماڵی مامۆستا و کتابخانە و حوجرە لە ناو مزگەوت هەبن؟ دەبێ ورد بینەوە لەو باسە بزانین مەبەست چییە ئاخۆ ئەو بابەتانەی ناوهێندران بۆ ناوەندی ژووری مزگەوت مە...

ژێ.کاف و جیهادی ئەکبەری ئەندامەکانی نموونەی دینداری کوردانە بەناوبانگە کە پێغەمبەری خودا فەرموویەتی:  [أفضلُ الجهادِ من جاهد نفسَه في ذاتِ اللهِ عزَّ و جلَّ] (الطبرانی:۱۳/٥٩٦)  گەورەترین جیهاد ئەو کەسەیە کە جیهاد لە هەمبەر ناخی خۆیدا دەکات لە ڕێی خودای بەرز و بەڕێزدا.  جا کاتێک مرۆڤ خۆی لە هەمبەر دەقە ئایینیەکاندا دەبینێتەوە، هەر کەسێک بەپێی پێشخوانی ڕۆحی و فکری و دەروونی خۆی هەڵسوکەوت لەگەڵ ئەو دەقانەدا دەکاتەوە و بێگومان لێک دانەوەی بۆ ئەو دەقانە لەو پێشخانە فکری و ڕۆحیەوە سەرچاوە دەگرێت.  بۆیە کاتێک تاقمێک لە ڕاڤەکارانی مەدرەسەیەکی فکری یان ناوچەیەکی نیشتمانی پەنجە لەسەر دەقانێک، کە چەمکێکی تایبەت لە خۆ دەگرن، دادەنێن و زیاتر ڕەچاویان دەکەن، تێدەگەیت کە ئەو کۆمەڵە خەڵکە فەلسەفەی ژیان و فکری کۆمەڵایەتیان _سەربەخۆ لە کاریگەری نەریتی ئایینی لەسەریان_ لەگەڵ ئەو چەمکە تایبەتەدا زیاتر دێتەوە.  بۆ نموونە کۆمەڵی توندئاژۆی ئایینی زۆرتر سەرنج دەدەنە ئایەتەکانی جیهاد و قیتال و چەمکە سیاسی و دەسەڵتخوازیەکان و خەڵکانی عیرفانی زیاتر سەرنج دەدەنە چەمکی یاد و زیکری...

داگیرکردنی کلتوور و مێژووی کورد لە لایەن فاشیتانەوە.. نووسینی: مامۆستا قازی ڕۆژهەڵاتی کوردستان  داگیرکردنی کلتوور و مێژووی کوردستان لە لایەن فاشیستانەوە و ئەرکی کەسایەتیە ئایینیەکانی کوردستان لەوبارەیەوە.   دانەر: ئەوەی لە تیشکی ڕۆژی نیوەڕۆی چلەی هاوین ڕوونترە ئەوەیە کە، لەو ڕۆژەوەی کە بەشەر ژیانی سرووشتی بەجێ هێشتووە و دەستی کردووە بە ژیانی دێ نشینی و نەریت و دوایەش شارستانییەتی دامەزراندووە، [1] وێڕای هەموو هەوڵە ئایینیەکان بۆ کەوی کردنی هێمی دڕندانەی مرۆڤ ئێستاش وێڕای ئەوەی کراژی ژیانی سەرەتایی فڕێ داوە و پێستی مرۆڤی ئاوەزمەندی زۆر بە زریقە و بریقەیە کەچی هێشتا ئەو تەبیعەتەی نەگۆڕیوە کە "مرۆڤ گورگی مرۆڤە" [2] و وێڕای ئەو هەوڵە ئایینی و فەلسەفیانەی شارستانیەت بۆ کەوی کردنی خدەی گورگانەی مرۆڤ داویەتی، وەک ئەوەی کە پێغەمبەر _دروودی خودای لەسەر بێت_ دەفەرمێت :( لا یومن احدکم حتی یحب لأخیە ما یحب لنفسه) [3] هیچکامتان بڕوا ناهێنێت هەتا ئەوەی بۆ براکەی پێ خۆش بێت کە بۆ خۆی پێی خۆشە.  یان دەفەرمێت:(خیر الناس انفعهم للناس ) [4] باشترینی خەڵکی ئەو کەسەیە کە بە قازان...

پەیامی پیرۆزبایی یەکیەتی زانایانی ئایینی کوردستانی ئێران، بە بۆنەی ساڵڕۆژی دامەزراندنی حیزبی دێموکراتی کوردستانی ئێران بە بۆنەی ٢٥ی گەلاوێژ، ساڵڕۆژی دامەزراندنی حیزبی دێموکراتی کوردستانی ئێران، لە دڵەوە پیرۆزبایی ئەم ڕۆژە بەختەوەرە لە سەرجەم ئەندامان، پێشمەرگە دێرینەکان، لایەنگران و بنەماڵەی سەربەرزی شەهیدان و پێشمەرگە و دۆستانی ئازادی و یەکسانی لە کوردستان و سەرتاسەری ئێران دەکەین. حیزبی دێموکراتی کوردستانی ئێران ٨ دەیە خەبات و قوربانیدان هەمیشە ئاڵاهەڵگری داکۆکی لە مافە نەتەوەیی و دێموکراتیکەکانی گەلی کورد و هێمای سەقامگیری و دادپەروەری و ئایدیالی ئازادی بووە.  هیوادارە لە ژێر ڕۆشنایی تەبایی و یەکڕیزیدا ئامانجە لەمێژینەکانی گەلی کورد لە چوارچێوەی ئاشتی و دیموکراسی و یەکسانیدا بەدی بهێنرێت. بەهیوای سەرکەوتن و بەردەوامبوون و شانازیتان: نەمان بۆ دوژمنان و داگیرکەرانی خاکی کوردان. یەکیەتی زانایانی ئایینی کوردستانی ئێران. ٢٣ی گەلاوێژی ساڵی ١٤٠٤ی هەتاوی