yzaki

پەیامێک لە ساڵیادی تیرۆرکردنی دوکتور عەبدولڕەحمان قاسملوو بەناوی ئازادی و کەرامەتی مرۆڤەو ٢٢ی پوشپەڕی ١٣٦٨ی هەتاوی ساڵڕۆژی تیرۆرکردنی دوکتور عەبدولڕەحمان قاسملوو، سکرتێری گشتیی حیزبی دێموکراتی کوردستانی ئێران، بیرهێنانەوەی یەکێک لە تاڵترین ڕووداوەکانی مێژووی هاوچەرخی کوردستانە. لە ساڵی ١٣٦٨ لەکاتی بەشداریکردنی لە دانوستانەکانی ڤیەننا بە ئامانجی دۆزینەوەی چارەسەری ئاشتیانە بۆ پرسی کورد، لەگەڵ دوو هاوەڵەکەی لە لایەن دیپڵۆمات تیڕۆریستەکانی ڕژیمی ئاخووندی ئێران شەهید کران.  لەم ڕۆژەدا ڕێز لە یادی دوکتور قاسملوو و هەموو ئەو کەسانە دەگرین کە لە پێناو ئازادی و دادپەروەری و مافەکانی گەلی کورد گیانیان لە دەست دا. بیرۆکەی وتووێژ، پێکەوەژیان، دیموکراسی و بەرگریکردن لە مافی گەلان کە قاسملوو جەختی لەسەر کردەوە، بەردەوامە ئیلهامبەخشی زۆر کەس و لایەن و نەتەوەیەکە بە تایبەت گەلی کورد. یەکیەتی زانایانی ئایینی کوردستانی ئێران پاڵپشتی خۆی بۆ خەباتی ڕەوا و ڕێبازی قاسملو نوێ دەکاتەوە و هیوادارین خەبات بۆ دادپەروەری و ڕێزگرتن لە مافەکانی مرۆڤ و چارەسەرکردنی ئاشتیانەی ناکۆکیەکان جێگەی توندوتیژی ...

بسم الله الرحمن الرحيم بە ناوی خوای بەخشندەی میهرەبان ئێمە، بەشێک لە مامۆستایانی ئاینی شاری مەهاباد و شاروێران، بە دڵێکی پڕ لە خەم و داخ،  شەهیدبوونی پولێک لە پێشمەرگەکانی حیزبی دیموکراتی کوردستانی ئێران (حدکا) بە تەواوی تاڵ و دڵتەزێن دەزانین. لەو بۆنەیەدا، سەرەخۆشی و هاودەردیی خۆمان بۆ خێزانە بەڕێزەکانیان، هاوڕێ و هاوسەنگەرەکانیان و هەموو گەلی کورد دەربڕین.  لە خوای گەورە داواکارین کە شەهیدان لە پەنایی ڕەحمەت و بەخشینی خۆیدا جێگیر بکات و پلە و پایەی شەهیدانیان پێ ببەخشێت، و ئارامی و خۆڕاگری بە دڵی کەسوکاریان ببەخشێت. خواوندی گەورە دەفەرموێت: ﴿وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا ۚ بَلْ أَحْيَاءٌ عِندَ رَبِّهِمْ يُرْزَقُونَ﴾ (آل عمران: 169) لە کۆتاییدا، لە خوای گەورە داواکارین کە ئاسایش، یەکڕیزی و سەربەرزی بۆ گەلەکەمان بەردەوام بکات، و نەهێڵێت خوێنی بێتاوانان بە فێڕۆ بڕوات. إنا لله وإنا إليه راجعون بەشێک لە مامۆستایانی ئاینی شاری مەهاباد و شاروێران ( سۆران لە شاروێران)

پەیامی بەشێک لە کەسایەتی و مامۆستایانی ئایینی ئەندامی یەکیەتی زانایانی ئایینی کوردستانی ئێران لە ناوخۆی ڕۆژهەڵاتی کوردستان بە بۆنەی شەهید بوونی ڕۆڵە قارەمانەکانی گەل لە پیرانشار و مهاباد بنەماڵەی سەربەرزی شەهیدان بەتایبەت بنەماڵەی هاوڕێیانی شەهیدی تێکۆشەرمان لە ١٠/پووشپەڕ دەستەی بەڕێوەبەری و ڕێبەری دەفتەری سیاسی کادر و پێشمەرگەکانی شار و شاخی حیزبی دێموکڕاتی کوردستانی ئێران لە 10/ پووشپەڕی/2725ـدا، شەهید بوونی شەش کەس لە تێکۆشەران و کۆڵنەدەرانی نیشتمانی داگیرکراو، کە خوێنی ئاڵیان دیسانەوە داری خەباتمانی پاراو کرد، وێڕای داخ و کەسەرەکێکی نەبڕاوە، ورە و تینی گەلەکەمانی پتەوتر کرد بۆ درێژەدانی ڕێگەیان و کۆڵنەدان تا لەبن هێنانی داگیرکەر لە بست بە بستی نیشتمان. بەتایبەت هێرشە تیرۆریستییەکانی دوژمن بۆسەر ڕۆڵەکانمان جارێکی دیکە وەبیرمان دەخاتەوە دەسەڵاتی دژەگەلی بەناو ئایینی پەت و سێدارە و تیرۆر، جگ لەوەی لە جوغڕافیای ئێراندا دەسەڵاتێکی پاوان خوازە، لە کوردستان داگیرکەرێکی کۆڵۆنیالیە و کوردستان بەردەوام دەبێت لە گوتاری داگیرکەر _ داگیرکراودا خەبات بکات. ئێمە کەسایەتی و مامۆستایانی ئایینی لە ن...

بە ناوی خودای دلۆڤان پەیامی یەکیەتی زانایانی ئایینی کوردستانی ئێران بە بۆنەی شەهید بوونی ٦ تێکۆشەری دێموکرات. یەکیەتی زانایانی ئایینی کوردستانی ئێران بە بیستنی هەواڵی شەهید بوونی پۆلێک لە قارەمانانی گەلەکەمان لەڕێزی پێشمەرگەکانی حیزبی دێموکراتی کوردستانی ئێران زۆر دڵگران و خەمبار بووین. بەم بۆنەوە هاوخەمی و سەرەخۆشی دەکەین لە ڕێبەرایەتی حیزب وسەرجەم پێشمەرگەکانی دێموکرات و بنەماڵەی شەهیدەکان و هەموو خەڵکی نیشتیمانپەروەری کوردستان، لە خودای مەزن ئەپاڕێینەوە ڕوحی شەهیدەکانمان بە بەهەشتی بەرین شاد بکات و سەبووری ببەخشێتە بنەماڵەکانیان. بێ گوومان شەهید نەمرە و ڕێبازیان هەرگیز کۆتایی نایەت تا وەدیهاتنی ئامانجەکانیان. سەرکەوێ خەباتی ڕەوای گەلەکەمان. بڕوخێ ڕژیمی تیڕۆریست وکورد کوژی کۆماری ئیسلامی ئێران. یەکیەتی زانایانی ئایینی کوردستانی ئێران ١١ پوشپەڕی ١٤٠٥ی هەتاوی  

پیرۆزبایی بە بەۆنەی ساڵی تازەی کۆچی یەکیەتی زانایانی ئایینی کوردستانی ئێران، بە بۆنەی ساڵی تازەی ١٤٤٦ی کۆچی، پیرۆزبایی لە هەموو مسوڵمانان بە تایبەت مسوڵمانانی کورد دەکات و هیوادارین ئەمساڵ ساڵێکی پڕ بەرەکەت و خۆشی و ئاشتی و ئازادی و دادپەروەری بێت و هەموو گەلان بە تایبەت گەلی ستەم لێکراو و داگیرکراوی کورد بە مافە زەوتکراوەکانیان بگەن و ڕۆڵەکانمان لە ژێر سێبەری ئازادی و سەربەستیدا بژین. یەکیەتی زانایانی ئایینی کوردستانی ئێران  ٢٥ی جۆزەردانی ساڵی ١٤٠٥ی هەتاوی

بە پێی ڕاپۆڕتێکی گەیشتوو، بە دەست یەکیەتی زانایانی ئایینی کوردستانی ئێران،  ڕژیمی ئیسلامی ئێران مامۆستا مەلا عوسمان زاکری خووتبەخوێنی مزگەوتی گەورەی گەڕەکی عەلیاوێی بۆکانی بە تۆمەتی ئەویکە لەکاتی کوژرانی عەلی خامەنەیی ڕێبەری تیڕۆریستی ڕژیمی ئێران هیچ ئاماژەیەکی نەداوە لە خووتبە و وتارەکانیدا، وێرای داماڵین لە و بەرگی مەلایەتی ناوبراوی لەئەرکی ئایینی خۆی وەک خووتبە خوێن و پێشنوێژی مزگەوتی عەلیاوە دەرکردووە و بە جێگای ئەو بە ناومەلایەکی سەر بە دام و دزگاکانی ڕژیم بە ناوی مەلا ئەییووب ڕەزم لە جێگای ئەو داناوە.. یەکیەتی زانایانی ئایینی کوردستانی ئێران، داوا لە خەڵکی بەشەڕەف و باوەڕمەند و نیشتیمانپەروەری بۆکان بە گشتی و دانیشتووانی گەڕەکی عەلیاوای بۆکان دەکات لە ئاست ئەو بێ ڕێزییە بە مامۆستایانی ئایینی خۆشناو بێ هەڵوێست نەبن و دەنگی ناڕزایەتی خۆیان لانیکەم بە بایکۆتی دانانی مەلا ئەییوب ڕەزم نیشان بدەن و نەچن بۆ مزگەوت و ڕێگا نەدەن مەلا خۆفرۆش و جاشەکان ئەم شوێنە پیرۆزە داگیر بکەن. مامۆستا عوسمان زاکری کەسایەتییەکی خۆشناو و خێرخوواز و ماندوو بە چینی هەژاری گەرەکەکە بوو بۆیە ئەمڕۆ پێویستە...