پیرۆزبایی بە بۆنەی ٢٦ی سەرماوەرز

حیزبی دێموکراتی کوردستانی ئێران:

ڕێبەرایەتی و کادر و پێشمەرگە قارەمان و چاونەترسەکانی دێموکرات:

 حیزبی دامەزرێنەری ڕۆژی پێشمەرگە"

هەموو پێشمەرگەکانی نیشتێمان لە هەر چووارپارچەی کوردستان:

سەرەتا بە بۆنەی ڕۆژی پێشمەرگە، واتە ٢٦ سەرماوەرز،  یەکیەتی زانایانی ئایینیی کوردستانی ئێران پڕ بەدڵ پیرۆزباییتان لێدەکات و هیوادارین تێکۆشان و تەبایی و یەکڕێزیتان هەمیشە پڕ لە شانازی و سەرکەوتن بۆ خۆتان و گەل و نیشتیمان بێت.

پێشمەرگە تەنیا باسکی گەل یان ڕۆڵەیەکی شۆڕشگێڕ نییە بەڵکو پێشمەرگە واتای مان و نەمانی نەتەوەیی کوردە، پێشمەرگە نەک باسکی گەل، بەڵکو لە ڕاستیدا بڕبڕەی پشتی گەلە، گەر پێشمەرگە نەبێت بێ گوومان خاک و ئاڵا و سەربەستی و نامووسی نەوتەوە بوونمان بێ مانا دەبێ!

هەربۆیە بەرزترین مرۆڤە گیانباز وفیداکارەکانی نیشتیمان لە کوڕ وکیژانی بوێر بە پۆشینی بەرگی پیرۆزی پێشمەرگایەتی دەبن بە کۆڵەکەی مانەوەی واتای نیشتیمان و نەتەوە...

بەحەق ناوێکی پیرۆز و پڕ شانازی و پڕ خۆشەویستییە هیچ بیانوو و خۆدزینەوەیەک نییە لە گەورەیی و شەهامەت و بوێری پێشمەرگە.

جارێکیتر پیرۆزباییتان لێدەکەین و پشتیوانی خۆمان دوپاتە دەکەینەوە کە لە سەنگەری ئاییندا پاڵپشتی ڕێبازی پاک و بێ گەردی ئێوەی سەربەرز بین..

سەرکەوێت خەباتی ڕەوای گەل بە سەر تاریکایی جەهل و جینایەتی کۆماری پەت و سێدارەو تێڕۆڕی بەناو ئیسلامی ئێران.

یەکیەتی زانایانی ئایینی کوردستانی ئێران

٢٥ی سەرماوەرزی ساڵی ١٤٠٢ی هەتاوی