بەیاننامەی یزاکا لە مەڕ لە سێدارەدانی لاوانی وڵات
هاونیشتیمانیان و شۆڕشگێرانی شەقام" مامۆستایانی ئایینی و حیزب و ڕێکخراوە مرۆڤدۆستەکان و دڵسۆزانی وڵاتپەروەر.
هەروەک ئاگادارن کۆماری مرۆڤکوژی ئیسلامی ئێران بۆ چاوترسێن کردنی خەڵکی وەزاڵە هاتووی ئێران بە شێوەیەکی دڕندانە دەستیکردووە بە ئازار و ئەشکەنجدان و کوشتنی لاوانی بێ تاوانی ئێران، لەم پێناوەشدا زیاتر لە ١٠٩ بەندکراوی خۆپێشاندانەکانی بە سەزای سێدارە حوکم داوە و، تاکو ئێستاش چەندین لاوی بێ تاوانی ئەم وڵاتەی لە سێدارەداوە و سەدان بنەماڵەی داغدار کردووە.
یەکیەتی زانایانی ئایینی کوردستانی ئێران وێڕای ئیدانەکردنی ئەم ڕەوتە نامڕۆڤانەی کۆماری ئیسلامی ئێران داوا دەکەین شەقام بگرنە دەست و پشت و پەنای لاوانی شۆڕشگێری ئەم وڵاتە بن و پاڵپشتیان بکەن و، ڕێگە مەدەن زیاتر لەوە پاسداڕانی تیڕۆریستی و دوواکەوتی ڕژیمی جینایەتکار، خوێنی لاوانمان بڕێژن، هەروەها داوا لە رێکخراوی نەتەوە یەکگرتووەکان و وڵاتانی ڕۆژئاوایی دەکەین ئەم جینایەتی ڕژیمی تیڕۆریستی ئێران وەک جینایەت بە دژی مرۆڤایەتی ناوزەد بکەن و بنکەوبارگای تیڕۆریستانی ئاخوندی لە وڵاتی خۆیان دابخەن.
بڕووخێت، ڕژیمی تاریکپەرەستی ئاخووندی ئێران
سەرکەوێت ڕاپەڕینی جەماوەری خەڵکی ئێران.
یەکیەتی زانایانی ئایینی کوردستانی ئێران
٢٠/١٠/١٤٠١ی هەتاوی
Comments
Post a Comment