پەیامی یزاکا لە ساڵڕۆژی تیڕۆڕی ڕێبەری ناوداری کورد، دکتۆر قاسملو

 هاونیشتیمانیان و ڕێبوارانی ڕێگای ئازادی و ڕزگاری"

لە ساڵوەگەڕی تیڕۆڕی ڕێبەری ناوداری کورد، دکتۆر عەبدولڕەحمانی قاسملو، بە دەست تیرۆریستان کۆماری بە ناو ئیسلامی ئێران لە شارە شوومەکەی ڤیەن، لە وڵاتی  نەمسا، برینەکانمان دەکولێنێتەوە و بیرمان دەخاتەوە لەم جیهانە بەناو دێموکرات و ئازادیخووازانەدا، بێ ئەخلاقی دە سیاسەتدا چۆن بۆتە مۆرکەی گیانی ئازادیخوازان!

هزر و ئەندێشەی قاسملو نەک هەر بۆ تاکی کورد و ڕێبوارانی ڕێگای قاسملو، بەڵکو بۆ هەموو ئازادیخوازێک لە ئێران و بگرە جیهانیش جێگای شانازییە، چوونکە قاسملو مەکتەبێکی بەشەردۆست و ئازادیخواز بوو، ئەو لە سەر بنەمای دادپەروەری و ئازادی گەلان و دێموکراسییەکی واقعی وانەبێژ بوو.

قاسملو مرۆڤێکی پڕاگماتیسم و ئاشتیخوواز و ڕووناکبیرێکی سیاسی بوو، بۆیە تیڕۆڕی ناجووامێرانەی ئەو لە لایەن تاریکپەرەستانی ولایەتی نابەحەقی کۆماری ئیسلامی ئێران و بێ دەنگی و بێ هەڵوێستی وڵاتی ئوتریش نەنگ و سەرشۆڕییەکی مێژووییە هەم بۆ دەسەڵاتی ئێران و، هەم بۆ دەسەڵاتی ئوتریش.

یەکیەتی زانایانی ئایینی کوردستانی ئێران جارێکیتر پشتیوانی خۆی لە ڕێبازی شەهیدی ڕێبەر و حیزبی دێموکراتی کوردستانی ئێران نوێ دەکاتەوە. سڵاو دەنێرین بۆ ڕوحی پاکی شەهیدی ڕێبەر و هەموو شەهیدانی کورد و کوردستان.

بڕووخێت کۆشکی زۆرداری و داگیرکاری کۆماری پەت و سێدارە و تیڕۆڕی ئێران.

سەرکەوێت بزاڤی ڕزگاری خوازی کورد

یەکیەتی زانایانی ئایینیی کوردستانی ئێران 

٢١ی پوشپەڕی ١٤٠١ی هەتاوی