پیرۆزبایی ساڵی تازە و نوێ بوونەوەی سرووشت

 یا مقلب القلوب و الابصار یا مدبر اللیل و النهار یا محول الحول و الاحوال حول حالنا الی احسن الحال برحمتک یا ارحم الراحمین.

به بۆنەی نوێ بوونەوەی سرووشت و ژیانەوەی وەرزێکی نوێ و ساڵی تازە، پیرۆزبایی خۆمان ئاراستەی گشت مرۆڤایەتی و چووارپارچەی کوردستان و بنەماڵەی سەربەرزی شەهیدان و زیندانیانی خۆڕاگر سیاسی و تێکۆشەرانی نەتەوەکەمان ئەکەین، هیواخوازین ساڵێکی پڕ لە خێر و خۆشی و سڵامەتی بێت.

هاونیشتیمانیان هێژا، لە کاتێکدا ساڵ نوێ دەکەینەوە کە هەروا گەلەکەمان لە ژێر دەسەڵاتی دڕندانەترین دیکتاتۆری توتالیتێری سەردەم، لە ژێر سەخترین و پڕمەینەتی و داگیرکاری، ژیان ساڵ بە ساڵ ئاڵوگۆڕ دەکەن بێ ئەوەی هیچ دەرفەتێکی مرۆیی بۆ نوێ بوونەوەی ژیان بروخسێت، ڕژیمی کۆماری ئیسلامی ئێران هیچ باوەڕێکی بە ئازادی مرۆڤایەتی و گۆڕانکاری نییە و ماوەی زیاتر لە ٤٢ ساڵە گەلانی ئێران و نەتەوەی کوردی بە شێوازە جۆراوجۆرەکان دەچەوسێنێتەوە، لاوانمان زیندانی و لە سێدارە دەدات و هەموو ڕێگاکانی بژێوی ژیانی لێ زەوت کردوون، بۆیە یەکیەتی زانایانی ئایینی کوردستانی ئێران، وێڕای پیرۆزبایی جارێکیتر داوا دەکات بە یەکێتی و خۆڕاگری و پاڵپشتی شۆڕشگێرانی ڕزگاری نیشتیمان،

ڕێگای زیادەڕەوییەکانی ئەم ڕژیمە خۆسەپێنە بگرن.

هەر ساڵتان نەورۆز و نەورۆزتان پیرۆز بێت.

یزاکا ٢٩ی ڕەشەمەی ١٣٩٩ی هەتاوی