پیرۆزبایی بە بۆنەی جێژنی مانگی پیرۆزی ڕەمەزان
قال رسول الله صلی الله و علیه وسلم
ان لكل امة عید و هذا عیدنا
بە بۆنەی جێژنی مانگی پیرۆزی ڕەمەزان پیرۆز بایی دەکەین لە هەموو مسوڵمانانی جیهان و باوەڕدارانی کورد و کوردستان، ڕۆژوووانان و بنەماڵەی سەربەرزی شەهیدان و زیندانیانی خۆڕاگر سیاسیو تێکۆشەرانی ڕزگاری گەل و نیشتیمان ، هیوادارین تاعات و عیبادەتەکانتان قەبوڵی خوداوەندی مەزن بێت.
خۆشەویستمان ئەفەرمووێت بۆ هەر گەل و نەتەوەیەک جێژنێکی تایبەت هەیە ئەوە جێژنی ڕەمەزانیش جێژنی گەلی ئێمەیە، بۆیە پێویستە قەدر و شکۆی ئەم جێژنە بەرز ڕابگرین ئەوەش بە یادکردنەوەیەکی مرۆڤانە و سەردانیکردنی بنەماڵەی شەهیدان و زیندانیانی سیاسی و چینی هەژار و لێقەوماو و هاوکاریکردنیان، لەم ڕۆژانەی جێژندا شاد کردنی دڵی ئەو کۆمەڵە لە خەڵکەکەمان شاد کردنی و بەدەستهێنانی ڕەزامەندی خودایە بۆیە بەشداری جێژن وخۆشییەکانی ئەم بەشە لە خەڵکەکەمان بین. جارێکیتر جێژنتان پیرۆز و ژیانتان پڕ لە خۆشی و شادی
یەکێتی زانایانی ئایینی کوردستانی ئێران
٣/٣/١٣٩٩ی هەتاوی
Comments
Post a Comment