کۆچی دووایی مامۆستا مەلا محەممەدی کۆنەڵان لە شاری سەقز

كل نفس ذائقة الموت و یبقی وجه ربك ذو الجلال و الاكرام

پاش نیوەڕۆی ڕۆژی چووارشەم، ڕێکەوتی ٦ی خەرمانانی ۱۳۹۸ی هەتاوی مامۆستایەکی ئایینی و نیشتیمانپەروەر و تێکۆشەر، بە ناوی مامۆستا مەلا محەممەد ئیمامی لە شاری سەقز کۆچی دووایی کرد

مامۆستای خودالێخۆشبوو یەکێک لە زانایانی ڕۆژهەڵاتی کوردستان و تێکۆشەرێکی سەردەمی ساڵەکانی ٤٦ ، ٤۷  و دۆستێکی نیزیکی شەهید دکتۆر قاسملو بوو، مامۆستا باوەڕێکی زۆر بەهێزی بە بزاڤی ڕزگاریخووازی گەلەکەی هەبوو و هەمیشە پاڵپشتی لە شۆڕشگێرانی کوردستان دەکرد و دەیفەرموو موسوڵمان پێویستە بەرەنگاری لە ماف و ئازادییەکانی خۆی و گەلەکەی بکات

یەکێتی زانایانی ئایینی کوردستانی ئێران، هاوبەشی خەمی لە دەستدانی مامۆستای تێکۆشەر و نیشتیمانپەروەرە و سەرەخۆشی دەکات لە بنەماڵەی بەڕێزیان و خەڵکی سەقز بە گشتی داواکارین لە یەزدانی مەزن فیردەوسی ئەعلای پێ ببەخشێت.

انا للە وانا الیە راجعون:

  یەکێتی زانایانی ئایینی کوردستانی ئێران

٦/٦/۱۳۹۸