پیرۆزبایی بە بۆنەی ۲٥ی گەلاوێژ

 بەڕێز، لێپرسراوی گشتی و ناوەندی سیاسی ودەستەی کارگێڕی و کادر و پێشمەرگە خۆڕاگرەکانی دێموکرات

بە بۆنەی ساڵوەگەڕی دامەزرانی حیزبی دێموکرات گەرمترین پیرۆزبایی یەکێتی زانایانی ئایینی  کوردستانی ئێران، قەبوڵ بفەرموون
تێکۆشەرانی ڕێبازی پێشەوا و قاسملو و شەڕەفکەندی شەهید
 دێموکرات وەک یەکەم  حیزبی مودێڕن، ئەسالەتێکی نەتەوەیی، لە ڕۆژهەڵاتی کوردستان هەمیشە جێگای شانازی و خۆشەویستی کۆمەڵانی خەڵکی کوردستانی ئێران بووە و دەبێت، ئێستاکەش ڕاسان وەک پڕۆژەیەکی چەند ڕەهەندی بۆتە جێگای هیواو هوومێدی گەلەکەمان و خەڵک  هیوایان لە سەر هەڵچنیوە، ئەم پڕۆژەیە نەک هەر دەتووانێت پێشمەرگە و ئەندامانی دێموکرات لە دەوری خۆی کۆبکاتەوە بگرە دەتووانێت ببێت بە پڕۆسەیەکی هەمە لایەن لەسەرجەم هێزە شۆڕشگێرەکانی کوردستان و دەتووانێت ئامانجەکانی پێشەوای نەمر و ڕێبەرانی شەهید و هەزاران شەهیدی تێکۆشەر لە ڕێبازی دێموکرات وەدی بێنێت، یەکێتییەکەمان هەمیشە پشتیوانی حیزبی دێموکراتی وەک ئەرکێکی گرنگی نەتەوەیی لە ئەستۆ گرتووە و هیچکات پشت لەم پشتیوانییە ناکات. جارێکیتر ۲٥ی گەلاوێژ لە هەموو ڕێبوارانی ڕێبازی دێموکرات و ڕاسانیانی باوەفای ڕێبەرانی شەهید بەرز و پیرۆز بێت

یەکێتی زانایانی ئایینی کوردستانی ئێران
۲٤/٥/۱۳۹۸