yzaki

لە درێژەی کردەوە دژە ئایینی  و دژە نەتەوەیی، کۆماری بە ناو ئیسلامی ئێران لە سەر مامۆستایانی سووننەمەزهەب و کورد لە ئێران، ئەم جارە مامۆستا مەلا ئیبڕاهیم سەلیمی پێش نوێژ و خوتبەخوێنی مزگەوتی چووار یاری نەبی لە شاری پیرانشار کەوتە بە شاڵاوی ڕق و کینی تاریکپەرەستانی جەهل و جینایەتی کۆماری بە ناو ئیسلامی ئێران و بە تۆمەتی چالاکی سیاسی و هاندان و شێواندنی ڕای گشتی بە سێ ساڵ زیندان سەزا درا.. مامۆستا مەلا ئیبڕاهیم خەڵکی شاری پیرانشار و مامۆستایەکی ئایینی مزگەوتی چووار یاری نەبی ئەو شارە بوو و جگە لە ڕێنوێنی و هاندانی خەڵکی مسوڵمان بۆ کار و کردەوەی ئایینی و خوداپەسندانە و ئەنجامدانی ئەرکی پێ ئەسپێردراوی مەلایەتی هیچ جۆرە چالاکیەکی دیکە نەبووە و لە شۆڕشی ژینادا پاڵپشتی خەڵک و هاوسۆزی بنەماڵەی شەهیدان و بریندارانی دەستی ستەمی ئاخووندەکانی جەماران بووە، ئەوەش لە ڕووانگەی ئایینی ئیسلامەوە هاوشێوەی ئەرکە ئیسلامییەکانیتر پێویستە، بەڵام کۆماری ویلایەتی فەقیهی ئێران کە ڕاشکاوانە دژایەتی سووننە و نەتەوەجیاوازەکانی ئێران دەکات، ناتوانێت لەبەرانبەر ڕێنوێنییە ئایینییەکانی مسوڵمانان بۆ یەکێتی و تەبایی بێ

حیزبی دێموکراتی کوردستانی ئێران: ڕێبەرایەتی و کادر و پێشمەرگە قارەمان و چاونەترسەکانی دێموکرات:  حیزبی دامەزرێنەری ڕۆژی پێشمەرگە" هەموو پێشمەرگەکانی نیشتێمان لە هەر چووارپارچەی کوردستان: سەرەتا بە بۆنەی ڕۆژی پێشمەرگە، واتە ٢٦ سەرماوەرز،  یەکیەتی زانایانی ئایینیی کوردستانی ئێران پڕ بەدڵ پیرۆزباییتان لێدەکات و هیوادارین تێکۆشان و تەبایی و یەکڕێزیتان هەمیشە پڕ لە شانازی و سەرکەوتن بۆ خۆتان و گەل و نیشتیمان بێت. پێشمەرگە تەنیا باسکی گەل یان ڕۆڵەیەکی شۆڕشگێڕ نییە بەڵکو پێشمەرگە واتای مان و نەمانی نەتەوەیی کوردە، پێشمەرگە نەک باسکی گەل، بەڵکو لە ڕاستیدا بڕبڕەی پشتی گەلە، گەر پێشمەرگە نەبێت بێ گوومان خاک و ئاڵا و سەربەستی و نامووسی نەوتەوە بوونمان بێ مانا دەبێ! هەربۆیە بەرزترین مرۆڤە گیانباز وفیداکارەکانی نیشتیمان لە کوڕ وکیژانی بوێر بە پۆشینی بەرگی پیرۆزی پێشمەرگایەتی دەبن بە کۆڵەکەی مانەوەی واتای نیشتیمان و نەتەوە... بەحەق ناوێکی پیرۆز و پڕ شانازی و پڕ خۆشەویستییە هیچ بیانوو و خۆدزینەوەیەک نییە لە گەورەیی و شەهامەت و بوێری پێشمەرگە. جارێکیتر پیرۆزباییتان لێدەکەین و پشتیوانی خۆمان دوپات

لەدرێژەی بێ ڕێزی و زەخت و گوشار بۆ سەر ڕێبەرانی ئایینی سووننەمەزەهەب، لە ئێران و کوردستاندا کۆماری  دژە مرۆیی بە ناو ئیسلامی ئێران چووار مامۆستای ئایینی شاری پیرانشاری بە تۆمەتی هەڵبەستراو و بێ بنەما بە ١١ ساڵ زیندان سەزا دا.. ئەو مامۆستایانە لە شۆڕشی ژینادا بێ زاری خۆیان لە کۆماری دژە کورد و دژە ئافرەتی ئێران نیشان داوە و ئیدانەی تیڕۆر و کوشتنی ئافرەتیان بە بیانووی نەبوونی باڵا پۆشی کردبوو، هەر بۆیە لە لایەن تیڕۆریسمی ئاخوندی ئێرانەوە کە لە ماوەی دەسەڵاتی خۆیاندا ڕق و کین و دوژمنایەتیان بۆ سووننە مەزهەب و کورد و بەلوچ لەم وڵاتەدا نەشاردۆتەوە، دەستبەسەر و بە تۆمەتی نادرووست سەزا دران. مامۆستایانی سەزادراو کە سەرجەمیان خەڵکی شاری پیرانشار و دەوروبەری ئەوشارەن بریتن لە  سولەیمان ئەحمەدی، شەریف مەحموودپوور، جەماڵەدین واژی، یونس نەوخاە لە لایەن دادگای تایبەت بەزانایانی ئایینی ورمێ سەزای ١١ ساڵ زیندانیان بە سەردا سەپاوە. هەروەها مامۆستا زانا خۆشامەن خەڵکی پەسوێ دانیشتووی شیناوێ بە تۆمەتی پەیوەندی بە پارتەسیاسییەکانی کورد بە دوو ساڵ و مانگێک سەزا دراوە. هەروەک ئاگادارن کۆمەڵێک فەقێ و خوێندکا

کل نفس ذائقة الموت ثم الینا ترجعون بەداخەوە شەوی ١٧ی سەرماوەرزی ساڵی ١٤٠٢ هەتاوی بەرانبەر بە ٨ی یسامبەری ٢٠٢٣ زایینی لە شاری سۆران سەر بە پارێزگای هەولێر لە باڵەخانەیەکدا کاڕەساتی ئاگر کەوتنەوە ڕوویدا و بەم هۆیەوە ١٥ مامۆستای ژن و پیاو و خەڵکی مەدەنی بوونە قوربانی و گیانیان لە دەستدا.. یەکیەتی زانایانی ئایینی کوردستانی ئێران سەرەخۆشی دەکات لە سەرجەم خەڵکی شاری سۆران و ‌ئەندامانی بنەماڵەکانیان و توێژی مامۆستایان، لە خودای مەزن ئەپاڕێینەوە ڕوحی سەرجەم شەهیدانی ئەو کارەساتە بە بەهەشتی بەرین شاد بکات و هەروەها بریندارانی ئەم کارەساتە دڵتەزێنەش شیفا بدات و، سێبووریش ببەخشێت بە کەس و کاریان. ئامین انا للە وانا الیە راجعون یەکیەتی زانایانی ئایینی کوردستانی ئێران ١٨/٩/١٤٠٢ هەتاوی