yzaki

پەیامی یەکیەتی زانایانی ئایینی کوردستانی ئێران، بە بۆنەی ١٠ی خاکە لێوە، ساڵیادی شەهیدبوونی قازی موحەممەد و هاوەڵانی. بەناوی خوای پەروەردگاری مێهربان ١٠ی خاکەلێوەی هەرساڵێک، بیرهێنانەوەی یەکێک لە بە ئازارترین و لە هەمان کاتدا شانازیترین لاپەڕەکانی مێژووی خەباتی گەلی کوردە؛ ئەو ڕۆژەی کە پێشەوا قازی موحەممەد و هاوەڵانی دڵسۆز بە هەڵوێستێکی پتەو و باوەڕێکی پۆڵایین لە دژی زوڵم و ستەمی بنەماڵەی پەهلەوی وەستانەوە و لە پێناو ئازادی و کەرامەتی ئینسانی و بەدیهێنانی مافەکانی گەلەکەیان گیانی خۆیان بەخت کرد. شەهیدبوونی پێشەوای قازی موحەممەد تەنیا ڕووداوێکی مێژوویی نییە، بەڵکو هێمای بەئاگابوون و هۆشیاری و ئیرادەی نەتەوەیەکە کە هەرگیز تەسلیمی زوڵم و چەوساندنەوە نەبووە. ئەو و هاوەڵەکانی بە فیداکاری و خۆبەخشی خۆیان مەشخەڵی بەرخۆدان و ئازادیخوازیان داگیرساند؛ مەشخەڵێک کە تا ئەمڕۆش لە دڵی نەوە جیاوازەکانی گەلی کورددا بە شەکاوەیی ماوەتەوە. ئێمە  یەکێتی زانایانی ئایینی کوردستان، بەڵێنمان بۆ بیروباوەڕە بەرزەکانی ئەو شەهیدانەی ڕێگای حەقیقەت، نوێ دەکەینەوە، و ڕایدەگەیەنین کە ڕێگاکەیان ڕێگای شەرەف و دادپەرو...

بسم اللە الحمن الرحیم یەکیەتیی زانایانی ئایینی کوردستانی ئێران سەبارەت بە هێرشی تیڕۆریستانەی کۆماری ئیسلامی ئێران بۆ سەر باشووری کوردستان کە بەداخەوە بووە هۆی شەهید بوونی ٦ تێکۆشەری نیشتیمان و ٣٠ بریندار پەیامێکی هاوخەمی بڵاو کردەوە. بەداخ و پەژارەوە ئەمڕۆ سێشەمبە ڕێکەوتی ٤/١/١٤٠٥ ی هەتاوی بە هۆی موشەگبارانی کۆماری جەهل و تیڕۆریستی پەت وسێدارە و دژە کوردی ئێران ٦ پێشمەرگەی قارەمان ناجووامێرانە شەهید کران و ٣٠ پێشمەرگەی دیکەش بریندار بوون. بەم بۆنەوە وێڕای ئیدانەکردنی ئەو کردەوە تیڕۆریستییەی شەمشەمە کوێرەکانی کۆماری ئیسلامی ئێران سەرەخۆشی خۆمان ئاراستەی حکومەتی هەرێم و وەزارەتی پێشمەرگە و بنەماڵە و کەس و کاری شەهیدەکان دەکەین و لە خودای مەزن دەپاڕێینەوە جێگایان بەهەشتی بەرین بێت و هیوای ساڕێژبوونەوەی برینی بریندارەکان دەخووازین. ئەم کارە ترسنۆکانە و نامرۆڤانەیە جارێکیتر ڕووی ڕاستەقینەی ستەم و توندوتیژی و تیرۆری ڕێکخراویی ڕژیمی کورد کوژی ئێرانی بۆ جیهان ئاشکرا کرد و نیشانی دا کە دوژمنانی ئازادی و کەرامەتی ئینسانی درێغی ناکەن لە ئەنجامدانی هیچ تاوانێک بەرامبەر گەلانی ستەملێکراو و بە تایبە...

پیرۆزبایی یەکیەتی زانایانی ئایینی کوردستانی ئێران، بە بۆنەی جەژنی ڕەمەزان پیروز و، هاتنی سەری ساڵی نوێ و نەورۆزی ئازادی. بەناوی خوای میهرەبان و دادپەروەر و ڕزگاریدەر گەلانی چەوساوەی ئێران و کوردستان. پیرۆزبایی خۆمان ئاراستەی ئێوەی گەلانی ئازاد و خۆڕاگر دەکەین، بە بۆنەی جەژنی ڕەمەزان پیرۆز و جەژنی سەرکەوتنی ئیمان و سەبر و کۆڵنەدان، هەروەها هاتنی سەری ساڵی نوێ و نەورۆزی ئازادی. لە هەلومەرجێکدا کە ناوچەکە شاهیدی گرژی و ململانێی مەترسیدارە و گەلانی ئێران تا دێت لەژێر گوشاری زوڵم و ستەمکاری و تیرۆریزمی ڕژێمی ویلایەتی فەقیهی ئێراندا لەو پەڕی ناخۆشی و سەختیدا ژیان بە سەر دەبەن، ئەم ڕۆژە پڕ بەختانە بە دەرفەتێک دەزانین بۆ نوێکردنەوەی پابەندبوونمان بە گەییشتن بە ئازادی، دادپەروەری و کەرامەتی مرۆڤایەتی. ڕەمەزان مانگی بەخشش و لێبووردەیی و چاکەکارییە و کۆتایی ڕەمەزانیش خۆشی و شایی و گردن ئازادکردن و سیلەی ڕەحم و سەردانی بنەماڵەی شەهیدان و هەژارانە. جێژنی ڕەمەزانی پیرۆز هاوتایە لە گەڵ جێژنی نەورۆز و ڕووناکی ساڵێکی پڕ بەختەوەر، پیرۆزە لە هەموو ئێوە ئازیزان. یەکێتی زانایانی ئایینی کوردستانی ئێران پێی ...