yzaki

پەیامی یزاکا بە بۆنەی ٢٦ی سەرماوەز. ٢٦ی سەرماوەز، ڕۆژی یادکردنەوەی ئیرادە و قوربانیدان و شەرەفی ئەو تێکۆشەرانەیە کە بە گیان و ئیمانی خۆیان داکۆکییان لە کەرامەتی نەتەوەی کورد کردووە. پێشمەرگە هێمای بەرخۆدانی هۆشیارانە و بەرەنگاربوونەوەی ستەم و پاراستنی ئازادی و ناسنامەی مرۆڤە. یەکیەتیی زانایانی ئایینی کوردستانی ئێران (یزاکا) لە دڵەوە پیرۆزبایی لە هەموو پێشمەرگەکانی کوردستان و بە تایبەت پێشمەرگە قارەمانەکانی حیزبی دێموکراتی کوردستانی ئێران دەکات،  ئەو پێشمەرگانەی کە بە درێژایی دەیان ساڵەی خەبات، پشتیان بە هۆشیاری سیاسی و باوەڕی ئەخلاقی و پابەندبوونی نەتەوەیی بەستووە و ئاڵای ئازادی و دادپەروەرییان بەرزکردۆتەوە. بێ گومان ئازایەتی پێشمەرگە نەک هەر خاک و شەرەفی کوردستانی پاراستووە، بەڵکو بەها ئینسانە بەرزەکانی وەک ئازادی و پێکەوەژیان و کەرامەتی مرۆڤ و مافی چارەی خۆنووسیشی پاراستووە. یاد و ناوی شەهیدانی ڕێگای ئازادی بەرز و پیرۆز بێت و جارێکیتر ئەم ڕۆژە لە هەموو تێکۆشەرانی نیشتیمان پیرۆز بێت. بەهیوای سەرکەوتن و شانازی و وەدیهاتنی خواستە ڕەواکانی نەتەوەی کورد. مەرگ و نەمان بۆ داگیرکەران و د...

موت العالم  يُعدّ ثلمة في الإسلام لا يسدها شيء، لأن العلماء هم ورثة الأنبياء وحملة الدين، وبفقدهم يُفقد العلم ويُضل الناس انا للە وانا الیە راجعون.. کۆچی دووایی زانا و ناودار و پیاوچاکی دەڤەری زرارەتی جەنابی حاجی مامۆستا عبدالجبار زەرگەزەوی، باوەڕدارانی مسوڵمانی کوردی لە هەر چووار پارچی کورستان خەمبار و دڵگران کرد. بێ گوومان کۆچی دووایی هەر زانایەک خەسارێکی مەزنە لە جەستەی شەکەتی گەلەکەمان، و ڕەنگە هەرگیز کەسایەتی و زانای ئەوها نەدۆزینەوە کە هاوکات عالم و خوداناس و دڵسۆز و نیشتیمانپەروەر و دڵپاک بێ، ئەم جۆرە زانایانە بەڕاستی میراتگری پێغەمبەرانن و بۆشایییان هەرگیز پڕ نابێتەوە. ئێمە وەک یەکیەتی زانایانی ئایینی کوردستانی ئێران، وێڕای هەوخەمیمان پرسە و سەرەخۆشی خۆمان ئاڕاستەی بنەماڵەی خودالێخۆشبوو و توێژی ئایینی ئیسلامی کورد و عەشیرەتی زراری لە دەڤەری زرارەتی هەولێر دەکەین و لە بارگای پەروەردگاری حەق ئەپاڕێینەوە بە فردەوسی ئەعلا شادی بکات و سەبووری بە بنەماڵە و هەموو دۆستان و ڕێبوارانی ڕێبازی بدات. ئامین یەکیەتی زانایانی ئایینی کوردستانی ئێران ١٥ی سەرماوەرزی ١٤٠٤ی هەتاوی

بەیاننامە یزاکا بە بۆنەی تێکدانی گۆڕستانی باوەڕدارانی ئایینی مەسیحی لە کۆیە و هەموو شوێنەکانیتری کوردستان. بەناوی پەروەردگاری ئازادی و مرۆڤایەتی و حەقیقەتی ئیسلامی ڕاستەقینەوە. لە سەردەمێکدا کە توندڕەوی وێنەیەکی توندوتیژی و شێواوی ئایین دەخاتە ڕوو، ئەرکی سەرشانی ئێمەیە کە بە چاونەترسی و بە ڕوونی ڕاستییەکان بخەینە ڕوو. ئه وه ی ئه مڕۆ له لایه ن هه ندێک گرووپی توندڕەوه به ناوی “به ڕگری له ئیسلام” ده کرێ – تێکدانی ناوەنده ئاینییەکان، له ناوبردنی گۆڕەکانی سەڕ به ئاینه جیاوازەکان، دروستکردنی دووبەڕەکی له نێوان موسڵمانان، مه سیحی، ئێزیدی و دانیشتووانی دیکەی خاکێک ، نەک تەنها هیچ پەیوه ندییه کی به ئیسلامه وه نییه ، به ڵکو دژایەتی ڕاسته وخۆیه له گەڵ ڕۆحی قورئان و پەیامی قووڵی مرۆیی پێغەمبەڕی ئیسلامە، درود و سڵاوی خودای لە سەر بێت. ئیسلامى ڕاستەقینە ئایینی کەرامەت و ڕێزگرتنە لە مرۆڤ، قورئان ڕێز لە مرۆڤ دەگرێت بە نازناوی ( ولقد کرمنا بنی آدم"وات ئێمە ڕێزمان لە نەوەی ئادەم گرتووە). کەرامەتی مرۆڤ بەبێ گوێدان بە ئایین و مەزهەب و نەتەوە، بنەمایەکی بنەڕەتی ئیسلامە. هەر کارێک کە ببێتە هۆی زەلیلکر...