yzaki

پەیامی پیرۆزبایی یەکیەتی زانایانی ئایینی ئێران، بە بۆنەی سەری ساڵی زایینیی  بە بۆنەی سەری ساڵی تازەی زایینیی پیرۆزبایی دەکەین لە گشت مرۆڤایەتی و باوەڕداران بە تایبەت باوەڕدارانی مسوڵمان و مەسیحی و لە خوداوەندی گەورە ئەپاڕێینەوە ساڵێکی پڕ لە خێر و خۆشی و ئاشتەوایی و ئازادی بێت. سەری ساڵی نوێی زایینیی لە زۆرینەی وڵاتان چ ئیسلامی و یان مەسیحی و غەیرە، ساڵانە بە شێوازی جۆراوجۆر پیرۆزبایی دەکرێت و یادی نوێ بوونەوەی ساڵێکی تازە دەکرێتەوە، ئەم بۆنەیە بەرانبەرە بە یادی لە داییک بوونی حەزرەتی عیسا دروود و سڵاوی خودای لە سەر بیت بۆیە ئێمەی مسوڵمان بێ جیاوازی دانان لە نێوان پێغەمبەرانی خودا" بەرزی دەنرخێنین و پیرۆز بایی دەکەین لە گشت باوەڕداران، لە باوەڕی ئیسلامیدا بە پێی دەقی قورئانی پیرۆز کە دەفەرموێت( لا نفرق بین احد من رسلە و نحن و لە مسلمون) واتە جیاوازی ناخەینە نێوان نوێنەرانی خودا و باوەڕدارین پێیان، ئەم یادە بەرز دەنرخێنین و پیرۆزبایی دەکەین هەم لە مسوڵمانان و هەم لە مەسیحییەکان بە تایبەت دانیشتووانی کوردستان بە هەموو بیروباوەڕێکی ئایینی و مەزهەبی. لە پەروەردگاری ئاشتیخوازیش ئەپاڕێین

 هاۆڕێیانی گیانفیدا، قارەمانانی سەنگەری چیا و شەقام، ڕۆڵەکانی دیموکرات" بە بۆنەی ئەم ڕۆژە پڕ شکۆ و سەربەرزیەتان ڕۆژی ٢٦ی سەرماوەرز کە وەک ڕۆژی پێشمەرگەی کوردستان دیاری کراوە، یەکیەتی زانایانی ئایینیی کوردستانی ئێران پیرۆزباییتان لێدەکات و بەڵێن و پەیمان لە گەڵ ئێوە نوێ دەکەینەوە یەکیەتییەکەمان پاڵپشتی هەمیشەیی پێشمەرگەی خاک و وڵات بێت. هەر گەل و نەتەوەیەک سپایەکی پارێزەری وڵات و نیشتیمانی خۆیان هەیە ئێوەش سپای بەرگری لە خاک و نیشتیمانی کوردن، هیوادارین هەمیشە وەک هەڵۆ بەرزە فڕەکان چاودێری بست بە بستی ئەم نیشتیمانە جووانەی کوردستان بن. پێشمەرگە بەرزترین وشەیە، کە ڕۆڵەی کورد شانازی بە پۆشینی ئەم بەرگ و ناوە دەکات، مرۆڤە دڵسۆزەکان و ڕووناکبیرەکانن دەبن بە پێشمەرگە، ئێوە چرای ڕێگای ڕزگاریدەی نیشتیمانن. جارێکیتر ئەم ڕۆژەتان لێ پیرۆزبایی دەکەین و هیوادارین بە ئامانجەکانی ڕێبازی دێموکرات بگەن. سەرکەوێت خەباتی ڕەوای گەلەکەمان بە ڕێبەرایەتی حیزبی دێموکراتی کوردستانی ئێران و پێشمەرگەی خاک و وڵات. یەکیەتی زانایانی ئایینیی کوردستانی ئێران ٢٥ی سەرماوەرزی ساڵی ١٤٠١ی هەتاوی

 هاونیشتیمانیان، ئازادیخووازان و شۆڕشگێرانی شەقام و، گشت ڕێکخراوە مرۆڤدۆستەکان و پارێزەرانی مافی مرۆڤ: پاش تێپەڕبوونی ٤٣ساڵ بە سەر دەسەڵاتە نگریس و مرۆڤکوژەکەی ویلایەتی نابەحەقی فەقیهی ئێران، ئازار و مەینەتی گەلانی ئێران بە گشتی وبەتایبەتی نەتەوەکانی کورد و بەلوچ ، هەروا ئەم تیڕۆریستانەی کۆماری بە ناو ئیسلامی ئێران لە کوشتن و تاڵان و ڕفاندنی مافخوازانی سیاسی و مەدەنی تێر نەبوونە و ڕۆژانە بەردەوام چالاکانی سیاسی و مەدەنی و مامۆستایانی ئایینی و خەڵکی بێ تاوان بێ شەرمانە لە شەقامەکان بە دڕندانەترین شێوە شەهید و دەستبەسەر دەکەن. ماوەی سێ مانگە خەڵکی وەزاڵەهاتووی ئێران شەقامەکانیان بە دژی ڕژیمی تیڕۆریست وخۆسەپێنەری ئێران تەنیوە و داوای مافی ڕەوای خۆیان دەکەن، مافێک کە بە پێی ئایین و یاسای نێونەتەوەیی ڕەوایی پێدراوە بەڵام پاسداڕە جللادەکانی جەهل و جینایەت بە فیشەک وەڵامی خۆپێشاندەران دەدەنەوە و یان دەیانخەنە ناو سیاچاڵە تاریکەکان، تێرۆری کەسایەتی و سووکایەتی کردن بە توێژی زانایانی ئایینی و دووکانداران کە بەشێک بوونە لەو مانگرتن و ناڕزایەتییە جێگای قەبوڵ کردن نییە و پێویستە کۆمەڵگەی نێونەتەوە