yzaki

 کۆچی دووایی کەسایەتییەکی ئاییینی و خۆشناوی دەڤەری سەلاسی باوەجانی جەنابی حاجی مامۆستا موحەممەد ڕزایی ناسراو بە مەلا موحەممەد باوەجانی خەسارێکی مەزن بوو لە بزاڤی ڕزگاریخوازی کورد و ئەم دەڤەرە.. خودالێخۆشبوو ساڵی ١٣٢١ی هەتاوی لە گووندی مەیدان سەر بە سەلاسی باوەجانی لە بنەماڵەیەکی ئایین دۆست و کورد پەروەر لە داییک بوو، هەر بۆیە بنەماڵەکەیان مامۆستایان ناردە حوجرەی ئایینی تاکو بتووانێت خزمەت بە ئایین و نەتەوەکەی بکات. پاش تەواوکردنی وانە ئایینییەکان و کەسبی ئیجازەنامەی مەلایەتی لە ناوچەکە خەریکی وتنەوەی وتاری ئایینی و پێش نوێژ و هەروەها کاری وەرزێری بوو، کەسایەتییەکی دیار و باوڕمەندێکی دڵسۆز بە مافی گەل و نیتیمانەکەی بوو، پاش شۆڕشی گەلانی ئێران بە دژی ڕژیمی پەهلەوی پەیوەندی بە حیزبی دێموکراتی کوردستانی ئێرانەوە دەگرێت و شانازی وەرگرتنی ئەندامەتی ئەو حیزبە وەردەگرێت. زەخت و گووشار و دوژمنکاریەکانی کۆماری ئیسلامی ئێران ناچاری دەکات هاوشێوەی ‌هاوڕێیانی ئەم ڕێبازە پیرۆزە ڕۆژهەڵات بەرەو باشووری کوردستان جێ بێڵێت، لە شاری ڕوومادییەی عێراق بوێرانە پشتیوانی لە مافی پەنابەرانی کوردی ڕۆژهەڵات دەکات

بسم اللە الرحمن الرحیم وتعاون علی البر و التقوی ولا تعاون علی الاثم والعدوان برایانی کورد و خەڵکە ماڵوێرانکراوەکەی باکوور و ڕۆژئاوای کوردستان" بەهۆی کارەساتی وێرانکەری حەردهەژێنی ئەمجارە لە باکوور و ڕۆژئاوا کە بەداخەوە بوو بە هۆی گیان لەدەستدان و برینداربوونی دەیانهەزار کەسی بێ تاوان، هاوخەمی و پەرۆشبوونمان لێ قەبوڵ بکەن و، سەرەخۆشیتان لێدەکەین و لە خودای مەزن ئەپاڕێینەوە سەرجەم شەهیدانی ئەم کارەساتە دڵهەژێنە بە بەهەشتی بەرین شاد بکات و شیفای تەواوی برینداران بدات و سەبووری ببەخشێتە بنەماڵەکان و خزم و کەس و کاریان. داوا لە سەرجەم مرۆڤدۆستان و مسوڵمانان بە تایبەت باوەڕدارانی کورد لە هەرچووارپارچەی کوردستان ئەکەین بە هەر جۆرێک بۆیان دەگوونجێت بە هانای لێقەوماوان بچەن و، هاوکاری کردنتان هەم ئەرکێکی ئایینی و نەتەوەییە هەمیش ئەرکێکی ئەخلاقی و مرۆیی" ئەمڕۆ کوردستان جارێکیتر بریندار و چاوەکان پڕگریان بوون، جارێکیتر سرووشت تووڕەیی خۆی نوواندو، مناڵە چاوگەشەکانمان لە ژێر خەرواری دار وبەرد و خۆڵ چاوەڕێی دەستی یارمەتی و هاوکاریتان دەکات، بۆیە پێویستە هەرچی زووتر هاوکار بین و ئەگەر بە بڕ