yzaki

 هاو نیشتیمانیان، مامۆستایانی ئایینی، حیزب و رێکخراوە سیاسی و مرۆڤدۆستەکان... هەروەک ئاگادارن لە دوو ڕۆژی ڕابردوودا رژیمی دژە مرۆیی ئێران کچێکی بێ تاوانی کوردی لە شاری تاران دڕندانە شەهید کرد و خەریکە ئەم تاوانە قێزەون و نامرۆڤانەیە پەردەپۆش بکات. شەهیدکرانی ژینا ئەمینی خەڵکی سەقز بە تاوانی دیار بوونی چەند تاڵە موویەکی قژی تاوانێکی لە بیر نەکراوە و ستەمێکی مەزنە بە دژی مرۆڤایەتی. بۆیە ئەرکی شەرعی و ئەخلاقی سەر شانی هەر تاکێکی کورد و ئێرانییە لە ئاست ئەم ستەم و جینایەتە بێ دەنگ نەبن و ڕێگە نەدەن خوێنی بە ناحەق ڕژاوی ژینا بە فیڕۆ بچێت و، دەبێ تاوانبارانی ئەم جینایەتە چەپەڵە سەزا بدرێن، ئەرکی زانایانی ئایینی ئەوەیە پاڵپشتی جەماوەری وەزاڵەهاتووی ئێران بە گشتی و کوردستان بە تایبەتی بکەن و تریبوونی مزگەوتەکانیان لە مەڕ لەقاودانی ئەم جینایەت و جینایەتکارانە چالاک بکەن. یەکیەتی زانایانی ئایینی کوردستانی ئێران، پشتیوانی خۆی لە  بڕیاری ناوەندی هاوکاری حیزبەکانی ڕۆژهەڵاتی کوردستان دەردەبڕێت و داواکارین خەڵکی کوردستان بە پیل ئەم بانگەوازەوە بێن بۆ مانگرتن و ناڕزایەتی لە مەڕ شەهیدکرانی کچە بێ تاوان

 تیرۆری میکۆنۆس وبروسکه‌ی ماته‌مینی: بروسکه‌ی ماته‌مینی یه‌کیه‌تی زانایانی ئایینی کوردستانی ئێران:  له‌ ساڵوه‌گه‌ری تیرۆری شه‌هیدی ڕێبەر،  شه‌ره‌فکه‌ندی وهاورێیانی. 26ی خه‌رمانان ساڵوه‌گه‌ڕی تیرۆری رێبه‌رێکی لێوه‌شاوه‌ی نه‌ته‌وه‌که‌مان و حیزبی دێموکراتی کوردستانی ئێرانه‌، له‌م رؤژه‌دا تاریکپه‌ره‌ستانی نه‌زان، خوێنی رێبه‌ری هه‌میشه‌ زیندووی نه‌ته‌وه‌ی کوردیان [شه‌هید دکتۆر سادق شه‌ره‌فکه‌ندی له‌ برلین ڕێستورانی میکۆنۆس] به‌ ناحه‌ق ڕژاندوجارێکیتر رووی ره‌شی خۆیان بۆ هه‌موو جیهان ده‌رخست که‌ چه‌ند دڕنده‌ و تامه‌زرۆیی له‌ ناو بردنی گه‌لێکی سته‌م لێکراون! هه‌رچه‌نده‌ تیڕۆری میکۆنوس خه‌سارێکی گه‌وره‌ بوو بۆ نه‌ته‌وه‌که‌مان به‌گشتی وحیزبی دێموکرات به‌ تایبه‌تی، به‌ڵام شه‌مشه‌مه‌کوێره‌کانی کۆماری په‌ت وسێداره‌ی ئێران نه‌یانتوانی ئه‌م خه‌باته‌ بوه‌ستێنن و بەڵکو ڕاسانی ڕۆژهەڵات نیشانیدا کە ڕێگا و ڕێبازی شەهیدان هەمیشە بەردەوامە تا گەییشتن بە ئامانجەکانمان. به‌م بۆنه‌وه‌ یه‌کێتی زانایانی ئایینی کوردستان ئێران، هاودەردی خۆی لەگەڵ حیزبی دیموکراتی کوردستانی ئێران و خەڵكی ڕۆژهەڵات دووپات دەكاتەوە و ه